निगरानी
इलाम , जेठ १९ : नेपाल प्रेस युनियन जिल्ला शाखा इलामको आयोजनामा रक्तदान कार्यक्रम सम्पन्न भएको छ । नेपाल प्रेस युनियनको ३४ औ स्थापना दिवसको अवसरमा सप्ताहव्यापी कार्यक्रम अन्तर्गत सोमबार ( जेठ १९ ) गते जिल्ला अस्पताल इलाम परिसरमा रक्तदान कार्यक्रम आयोजना गरिएको हो । जेठ १३ गते युनियनको स्थापना दिवस हो । सोही अवसरमा युनियन इलाम शाखाले जिल्लामा पहिलोपटक रक्तदान कार्यक्रम आयोजना गरेको सचिव प्रकाश नेपालले बताउनु भयो ।
जिल्ला अस्पताल इलामका प्रमुख मेडिकल सुपरिटेन्डेन्ट प्रभु शाहको प्रमुख आतिथ्यता र नेपाल प्रेस युनियन जिल्ला शाखा इलामको अध्यक्ष सविता पाण्डेको अध्यक्षतामा सम्पन्न उद्घाटन कार्यक्रममा नेपाल प्रेस युनियन इलामका सस्थापक सोम सुशेली , पुर्व अध्यक्ष बिप्लप भट्टराई , नेपाल प्रेस युनियन इलामका पुर्व सचिव समेत रहनु भएका इलाम नगरपालिकाका प्रबक्ता नुतनदेव दुलाल , इलाम नगरपालिका ७ का वडा अध्यक्ष नरेश श्रेष्ठ , इलाम नगरपालिका ८ कि वडा सदस्य सोमकुमारी गुरुङ ,नेपाल रेडक्रस सोसाइटी इलामका उपाध्यक्ष रतन चौधरी , लगायतले शुभकामना मन्तव्य राख्नु भएको थियोे ।
जिल्ला अस्पताल इलाम र नेपाल रेडक्रस सोसाइटी इलामको समन्वयमा भएको हो ।पत्रकार , जनप्रतिनिधि , स्थानीयबासीले रक्त दान गरेका छ्न । पत्रकारले समाचार लेखन गर्ने , नागरिकलाई सुसूचित गर्ने , बाहेक सामाजिक सेवामा पनि लाग्न र रक्तदान गर्न आम नागरिकलाई प्रेरित गर्ने उदेश्यले सिम्बोलिक रूपमा कार्यक्रम आयोजना गरिएको युनियन इलाम अध्यक्ष सविता पाण्डेले बताउनु भएको छ ।
एकले रक्तदान गर्दा अर्को एक जनाको जीवन बाच्ने भए पनि मानिसहरू विभिन्न भ्रम र सचेतनाको अभावमा रक्तदान गर्न नचाहने भएकोले आम नागरिकलाई रक्तदान गर्न प्रेरित गर्ने पाण्डेले बताउनु भयो । पत्रकार र पत्रकार जन्य सस्थाले जिल्ला नै पहिलो पटक रक्तदान कार्यक्रम गरेको पाण्डेको दाबी छ ।
रक्तदानले मानिसको जीवन बाच्ने भएकोले दिनेलाई भन्दा लिने र उपचार गर्ने स्वास्थकर्मी लाई अझ महत्त्व हुने इलाम अस्पतालका प्रमुख प्रभु शाहले बताउनु भयो । सिम्बोलिक रक्तदान गरेकोमा युनियनलाई धन्यवाद दिदै शाहले आवश्यक परेको समयमा युनियनले फेरि पनि सहयोग गर्ने अपेक्षा रहेको शाहले बताउनु भयो । स्वास्थ राम्रो रहे बर्षमा २ पटक रक्तदान गर्न समस्या नहुने उहाँको भनाई छ ।
पत्रकार , जनप्रतिनिधि र स्थानीयले रक्तदान गरेका थिए ।
निगरानी
प्रतिक्रिया