इलामको साँखेजुङ स्वास्थ्य चौकीमा ल्याव सेवा सुरु , स्थानीयलाई सहज

सविता पाण्डे , इलाम , बैशाख १० :

इलाम नगरपालिकाले वडा नम्बर एक साँखेजुङमा रहेको स्वास्थ्य चौकीमा ल्याव सेवा संचालनमा ल्याएको छ । 
नेपाल सरकारबाट अनुदान प्राप्त ६ लाख बराबरको ल्यावमा उपकरण जडान गरिएको नगर स्वास्थ्य शाखाले जनाएको छ ।
जस अन्तर्गत माइक्रोस्कोप, हट एयर ओभन, वाटर वाथ लगायतका उपकरण जडान गरिएको छ । यस्तै ल्याव संचालनका लागि अनुभवी एक कर्मचारी समेत नगरले व्यवस्थापन गरेको छ । ल्यावमा सामान्यतया विरामीको रगत परिक्षण , मृगौला परिक्षण, जण्डीस, खकार, दिसा पीसाव परीक्षण हुने भएको छ ।

विहिबार नगर प्रमुख केदार थापाले ल्यावको उद्घाटन गर्नुभएको छ ।
वडा नम्बर एकका वडाध्यक्ष गायत्रीराम बस्नेतको अध्यक्षतामा भएको कार्यक्रममा नगर प्रमुख थापाले नगरका सवै वडामा प्राथमिकताका आधारमा ल्याव संचालन गर्न नगरले प्रयास गर्ने बताउनुभयो । आगामी दिनमा इलाम नगरपालिकाको १२ वटै वडामा ल्याब सेवा सहितको स्वास्थ सेवा पुर्याउन प्रयत्न गर्ने मेयर थापाले बताउनु भएको छ ।
कार्यक्रममा वडाध्यक्ष बस्नेत , वडा ७ का वडाध्यक्ष नरेश श्रेष्ठ लगायतले स्थानीय स्तरमा स्वास्थ्य सेवा उपलव्ध गराउन ल्याव सहयोगि सिद्ध हुने बताउनुभयो ।
वडा अध्यक्ष गायत्रीराम बस्नेतले वडामा क्रमश अन्य स्वास्थ सेवा थप गर्दै लैजाने बताउनु भएको छ।

उद्घाटन कार्यक्रममा इलाम नगरपालिका  वडा न.७ का वडा अध्यक्ष नरेश श्रेष्ठ , इलाम नगरपालिका १ का वडा सदस्य मन कुमार गुरूङ,नेपालटार मा.बि.ब्यवस्थापन समिति अध्यक्ष बिष्णु लुईटेल,नेपालटार बजार ब्यवस्थापन समिति अध्यक्ष शुरेन्द्र राई लगायतले ल्याब सेवा सुरु भए संगै यस क्षेत्रका नागरिकलाई सहज हुने बताएका छ्न ।