निगरानी
इलामको सुर्याेदय नगरपालिकाले एक अर्ब चालीस कराेड रूपयाकाे बजेट पेश भएकाे छ । १७ औ नगरसभाकाे तेस्रो बैठकमा उपप्रमुख दुर्गाकुमार बरालले एक अर्ब चालीस कराेड तीन लाख सत्र हजार दुई सय २० रूपैयाँकाे बजेट पेश गरे । विनियोजित रकम मध्ये एक अर्ब आठ कराेड तीन लाख सत्र हजार ३२० रूपैया स्थानीय सञ्चित काेषबाट र ३२ कराेड रूपैयाँ अन्तर सरकारी अख्तियारी अन्तरग संघीय काेषबाट खर्चहुने प्रक्षेपण गरिएकाे छ । विनियोजित रकम मध्ये चालू खर्चकाे लागि ६८ कराेड ३१ लाख ३७ हजार २२० रूपैया र ३९ कराेड ७१ लाख ८० हजार रूपैयाँ पुजीगत तर्फ छुट्याइएको छ ।
नगरपालिकाले आन्तरिक राजस्व र राजस्व बाडफाडबाट २२ कराेड ५७ लाख ११ हजार रूपैयाँ , संघीय सरकारबाट ६४ कराेड ४३ लाख रूपैयाँ र प्रदेश सरकारबाट चार कराेड ४४ लाख ८१ हजार रूपैयाँ प्राप्तिहुने अनुमान छ। नगरसभाकाे अर्काे बैठक असार १२ गते बस्नेगरी मंगलबारकाे बैठक नगर प्रमुख रणाबहादुर राइले स्थगित गरे ।
निगरानी
प्रतिक्रिया