नेपाल भारत शास्त्रीय र मौलिक नृत्य कथक , मारुनी र तामाङ सेलो एकै मञ्चमा

इलाम , २५ बैशाख : भारतको एक प्रमुख प्राचीन शास्त्रीय नृत्य कथक  , नेपालको मौलिक मारुनी र तामाङ सेलो एकै मञ्चमा प्रस्तुत गरिएको छ । स्वामी विवेकानन्द सांस्कृतिक केन्द्र, काठमाण्डौ नेपालको आयोजनामा शुक्रबार साझ  इलाम स्थित गौतम बुद्ध सभा गृहमा नृत्य प्रस्तुत गरिएको हो ।

भारतीय राजदूतावास, काठमाण्डौ तथा इन्डियन काउन्सिल फर कल्चर रिलेसन ( आईसीसीआर ) को  सहयोगमा आयोजित  कार्यक्रम इलाम नगरपालिकाले प्रचारप्रसार र ब्यवस्थापन गरेको थियो । कथकसँगै नेपाली मौलिक संस्कृतिको प्रतिनिधित्व गर्ने मारूनी नृत्य र तामाङ सेलो नृत्य पनि प्रस्तुत गरिएको थियो।

यो कार्यक्रम संस्कृति आदानप्रदानको कार्यक्रम भएको इलाम नगरपालिकाका मेयर केदार थापाले बताउनु भयो ।
कार्यक्रममा दर्शकहरूले फरक शैलीको नृत्य बाट मनोरञ्जन लिएका छन ।कार्यक्रममा कथक नृत्य प्रशिक्षक दीप्ती गुप्ताको नेतृत्वमा आकर्षक प्रस्तुति भएको   थियो। भारतीय शास्त्रीय कला र संस्कृतिको झल्को दिने कथक नृत्यले दर्शनको मन्त्रमुग्ध बनायो । कथक उत्तर भारतको एक प्रमुख प्राचीन शास्त्रीय नृत्य शैली हो । जसको अर्थ ‘कथा भन्ने’ (कथाकार) हुन्छ। यो नृत्य जटिल पाइला चाल , द्रुत घुमाइ र घाँघरको प्रयोगका लागि चिनिन्छ।