इलाम नगरका होटल र होमस्टेमा  पर्यटकको विवरण राख्न पर्यटक लगबुक वितरण

इलाम , २५ बैशाख : इलाम नगरपालिकाका होटल तथा  होमस्टेमा  पर्यटक  अभिलेख पुस्तिका ( लगबुक ) बितरण  गरिएको छ ।इलाम नगरपालिका अन्तर्गतको  नगर पर्यटन प्रबर्द्धन समितिले नगरमा आउने पर्यटकको विवरण राख्ने उदेश्य सहित शुक्रबार  एक कार्यक्रमका बीच लकबुक बितरण  गरिएको छ । होटल र होमस्टेमा लक बुकमा विबरण अनिवार्य राख्न   पर्यटन ब्यवसायीलाई प्रेरित गर्न लक बुक वितरण गरिएको नगर पर्यटन प्रबर्द्धन समिति अध्यक्ष सुशीलस सापकोटाले बताउनु भयो ।

लकबुकमा पर्यटकहरूको , परिचय , ठेगाना , आगमन, बसाइ, भ्रमणको उद्देश्य र गन्तव्य सम्बन्धी विवरणहरू व्यवस्थित रूपमा राख्न  सहज हुनेछ । यसबाट पर्यटन प्रबर्द्धनका विभिन्न योजना तथा  कार्यक्रम तयार गर्न सहज हुने जनाइएको छ ।  यसका साथै पर्यटन आवागमनको तथ्यांक संकलनमा सहज हुने समितिले जनाएको छ । तथ्याङ्कले सुरक्षा निकायलाई पर्यटकको उपस्थिति ट्र्याक गर्न र स्थानीय सरकारलाई पर्यटन व्यवस्थापन गर्न सहयोग गर्ने समितिका सचिव अर्जुन पोख्रेलले बताउनु भयो । यसको प्रयोगबाट कति पर्यटक आए, कति समय बसे र कुन देशबाट आए भन्ने जस्ता पर्यटन तथ्याङ्कहरू तयार गर्न सहज हुने पर्यटन ब्यवसायी बताउछन ।

इलाम नगरपालिकाका प्रमुख केदार थापाको प्रमुख आतिथ्यता र नगर पर्यटन प्रबर्द्धन समिति अध्यक्ष सुशीला सापकोटाको अध्यक्षतामा भएको कार्यक्रममा पर्यटन क्षेत्रमा सुधार गर्ने बिषय छ्लफल भएको थियो ।

  पर्यटन क्षेत्रमा सुधार गर्न ट्राफिक ब्यवस्थापन , पर्यटकीय स्थलको सौन्दर्यीकरण , पुर्वाधार निर्माणको लागि  पालिकाले काम गरी रहेको इलाम नगरपालिकाका प्रमुख केदार थापाले बताउनु भयो । लकबुक वितरणले पर्यटक व्यवस्थापन गर्न सहज हुने प्रमुख थापाले बताउनु भयो ।

इलाम नगरपालिकाले पर्यटन प्रबर्द्धनको लागि सार्वजनिक तथा पर्यटकीय स्थानमा शौचालय निर्माण , फलफूलका बिरुवा रोपण ,  सौन्दयीकरण लगायत पुर्वाधार निर्माणको लागि काम थालिएको बताउनु भएको छ । सबै क्षेत्रको सहकार्यमा पर्यटनको विकास गर्न सकिने भएको भन्दै उहाँले पहल र समन्वय भइरहेको बताउनु भएको छ ।

पर्यटन क्षेत्रमा सुधार गर्न सबै पक्षले सहयोग गर्नु पर्ने होटल एसोसिएसन इलामका अध्यक्ष देवी पौडेलले बताउनु भयो । पुर्वेली जीप तथा ट्याक्सी व्यवसायी प्रा लि का अध्यक्ष गृष्म सुब्बा , इलाम नगरपालिका ६ का वडा अध्यक्ष मदन श्रेष्ठ , इलाम नगरपालिका ७ का वडा अध्यक्ष नरेश श्रेष्ठ लगायतले पर्यटन प्रबर्द्धनको लागि सबैको सहकार्यमा आवश्यक रहेकोमा जोड दिएका छ्न ।

यसैबीच इलामको प्रचारप्रसारको लागि पर्यटकीय गन्तव्यको तस्बिर सहितको स्टीकर सवारीसाधनमा टास्न यातायात व्यवसायीलाई वितरण गरिएको छ । कार्यक्रममा यातायात व्यवसायी , होटल तथा होमस्टे ब्यवसायी सहभागी थिए ।