इलामको क्वारेन्टाइनबाट सोमबार राति भागेका एक युवा भेटिएका छन । क्वारेन्टाइनबाट भागेका २२ वर्षिय सरोज अधिकारीलाई इलाम नगरपालिका ९ स्थित सिंहबाहिनी मन्दिरमा भेटि पुन क्वारेन्टाइनमा लगिएको जिल्ला प्रहरी कार्यलय इलामका प्रमुख ,एसपी हिरा बहादुर पाण्डेले जानकारी दिनु भयो । अधिकारी गोलाखर्क तर्फ जान लागेको अवस्थामा प्रहरीले पक्राउ गरी इलाम नगरपालिका ६ मा रहेको डा. मेघ बहादुुर सामुदायिक अस्पतालको भवनमा रहेको क्वारेन्टाइनमा लगिएको जनाइएको छ ।
भारतको सिलिगुडीबाट सन्दकपुर गाउँपालिका ३ सुलुबुङका अधिकारीलाई गत २३ गते इलाम नगरपालिकाले व्यवस्था गरेको क्वारेन्टाइनमा राखिएको थियो । अधिकारीले प्रहरीलाई छक्याएर विहानको राती भागेको इलाम नगरपालिकाका सुचना अधिकारी राम कुमार शाहले बताउनु भयो । भारत बाट आएकोले कोरोना संक्रमण हुन सक्ने आशंकामा इलाम अस्पतालले क्वारेन्टाइमा राख्न पठाएको थियो । सोही अनुसार अधिकारीलाई क्वारेन्टाइनमा राखिएको थियो ।
