१ सय ११ वर्षिय वृद्धाले गरिन मतदान

मनिष बस्नेत , इलाम , वैशाख ३०
इलामको सुर्योदय नगरपालिका वडा १४ बतासे निवासी १ सय ११ वर्षिय जेष्ठ नागरिक विष्णुमाया अधिकारीले मतदान गर्नु भएको छ । बतासे स्थित सरस्वती माध्यमिक विद्यालयमा रहेको मतदान केन्द्रमा अधिकारीले उक्त मतदान केन्द्रमा मतदान गरी मतदान सुरु गरिएको जनाइएको छ । यो उमेर सम्म अधिकारी ८ पटक सम्म मतदान गरेको बताउनु भयो । उहाँले यो उमेरमा पनि मतदान गर्न पाएकोमा खुशी व्यक्त गर्नु भएको छ । यस केन्द्रमा कुल ३ हजार ३९ जना मतदाता रहेका छन । जसमध्ये १ हजार ४ सय ४२ महिला र १ हजार ५ सय ९७ पुरुष मतदाता रहेका छन ।