किसान महासंघमा गौतम

इलाम: नेपाल किसान महासंघ केन्द्रिय कार्यसमितिले महासंघको इलाम जिल्ला अध्यक्षमा प्रेमराज गौतमलाई मनोनित गरेको छ । महासंघका केन्द्रिय अध्यक्ष गणेशचन्द्र तिमिल्सिनाले गौतमलाई अध्यक्षमा मनोनित गरेका हुन् ।
अध्यक्ष गौतमलाई नेपाल किसान महासंघको संगठन विस्तार एवं आगामी जिल्ला अधिबेशन तोकिएको समयमा सम्पन्न गर्ने गरी महासंघको इलाम जिल्ला अध्यक्षमा मनोनित गरेको केन्द्रिय अध्यक्ष तिमिल्सिनाले जानकारी दिए । गौतमले इलाम जिल्लाका सम्पूर्ण वडा, पालिका, प्रदेश र संघीय निर्वाचन क्षेत्रहरुको अधिवेशन केन्द्रले तोकेकै समयमा गर्न जिम्मेवारी पाएका हुन् ।
गौतम नेपाली कांग्रेसको इलाम जिल्ला निवार्चन क्षेत्र न १ (क) का प्रदेश सभा क्षेत्रीय कार्यसमितिका सदस्य हुन् ।
गौतमले जिल्ला कार्यसमितिलाई पुर्णता दिएर जिल्लाका सबै वडा र दश स्थानीय तहमा महासंघको शसक्त समिति गठन गर्ने बताए । उनले भने ‘मैले पाएको समय सिमाभित्र वडा देखि जिल्ला सम्म शसक्त नेतृत्व निर्माण गर्ने योजनामा छु ।’