माईभ्याली फुटबल क्लबद्धारा इलाम अस्पतालका स्वास्थ्यकर्मीलाई पिपिइ सहयोग

Share This
  •  
  • 2
  •  
  •  
  •  
  •  
  •  
  •  
  •  
  •  
    2
    Shares
माईभ्याली फुटबल क्लबद्धारा इलाम अस्पतालका स्वास्थ्यकर्मीलाई पिपिइ सहयोग

कोरोना प्रतिकार्य कोषमा ५० हजार

इलाम चैत्र १४
इलाममा रहेको माईभ्याली फुटबल क्लबले इलाम अस्पतालका स्वास्थ्यकर्मीलाई पर्सनल प्रोटेक्टिभ इक्युप्मेन्ट ( पिपिइ ) उपलव्ध गराउने भएको छ । कोरोना संक्रमणको महामारीको बेला स्वास्थ्यकर्मी पिपिइ को अभावमा सामान्य मास्कको भरमा काम गर्नु परेको भन्दै पिपिई उपलव्ध गराउने क्लबका अध्यक्ष धिरेन चेम्जोङले जानकारी दिनु भएको छ । विश्व मानव जातीलाई सुरक्षित गर्न जीवन दाउमा राखेर खटेका स्वास्थ्यकर्मीको जीवन रक्षाको लागि सबै नागरिकले सोच पुर्याउनु पर्ने अवस्था आएकोले क्लबले यस्तो निर्णय गरेका चेम्जोङले बताउनु भयो । क्लबले ५० जना स्वास्थ्यकर्मीलाई ५५ हजार मुल्य बराबरको पिपिई उपलव्ध गराउने जनाएको छ । ५० सैयाको इलाम अस्पतालमा अहिले १५ बेडको क्वारेन्टाइन बनाइएको छ । क्लबले यसअघि जिल्लामा स्थापना हुने कोरोना प्रतिकार्य कोषमा ५० हजार जम्मा गर्ने जनाइ सकेको छ । संकटको समयमा सबै नागरिक एकजुट भएर लाग्न आवश्यक भएकोले क्लबको तर्फ बाट कोषमा रकम जम्मा गर्ने निर्णय भएको सचिव राजेश पराजुलीले बताउनु भयो ।