थापा समूहका पाँच सभापतीको घोषणा

इलामः नेपाली कांग्रेसको चौधौ महाधिवेशनका लागि प्रष्ट चार समूह बनेर चुनावी मैदानमा देखिएका मध्ये केशब थापा समुहले इलामका दुई संघिय निर्वाचन क्षेत्र र प्रदेश निर्वाचन क्षेत्रका लागि सभापनि सहितको प्यानल घोषणा गरेको छ ।
इलामको निर्वाचन क्षेत्र नम्बर १ को क्षेत्रीय सभापतिमा काग्रेसका युवा नेता मिलन क्षेत्रीले आफनो उम्मेदवारी घोषणा गरेका छन् ।
तरुणदल जिल्ला सदस्य हुँदै साविक पशुपतिनगर गाउँ बिकास समितिको दुई कार्यकाल पार्टी सभापतिको भूमीका निर्वाह गरेका छन् । उनी इलाम क्षेत्र न १ का पुर्व क्षेत्रीय सचिव पनि हुन् । १३ औं महाधिवेसनमा वर्तमान क्षेत्रीय सभापति दुर्गा बराल संग चुनावी मैदानमा उत्रिएका उनी यस पटक बराल, पुर्व क्षेत्रीय सभापती भिष्म प्रधान र युवा नेता समशेर राईसंग भिड्ने छन् । क्षेत्रीले अब पछि नहट्ने गरी चुनावी मैदानमा आएको बताएका छन् । उनले भने ‘पार्टी बनाउन उठेको हो, सकारात्मक परिणाम लिएर संगठन गर्ने योजना छ ।
क्षेत्रीको समूहका क्षेत्रीय सचिवमा माईजोगमाई गाउँपालिकाका बर्तमान पार्टी सचिव तारा अधिकारी र दानाबारीका काग्रेस युवा नेता एन्जेस एक्तेन रहेका छन् ।

उक्त प्यानलबाट प्रदेश निर्वाचन क्षेत्र नम्बर १ ‘क’ को सभापतिमा नेपाल महिला संघकी क्षेत्रीय अध्यक्ष पुनम गुरुङले उम्मेदवारी दिने घोषणा गरेकी छन् । यस्तै प्रदेश निर्वाचन क्षेत्र नम्बर १ ‘ख’ को सभापतिमा माई नगरपालिकाका युवा सुवक श्रेष्ठले आफनो उम्मेदवारी घोषणा गरेका छन् ।
थापा समूहले संघिय क्षेत्र न २ को सभापतिमा नरेश क्षेष्ठलाई क्षेत्रीय सभापतिको उम्मेद्धार बनाएको छ । समुहले क्षेत्र न २ अन्तरगतको प्रदेश क मा माधव बस्नेत र प्रदेश ख मा लक्ष्मण राईलाई उठाएको छ ।