इलाममा अठार पुराण समापन तथा धार्मिक महोत्सव आगामी चैत १ गतेदेखि

इलाममा अठार पुराण समापन तथा धार्मिक महोत्सव आगामी चैत १ गतेदेखि


सविता पाण्डे , इलाम , फागुन २२ : इलाम नगरपालिका ६ सिङफ्रिङ स्थित सिंहसिद्धदेवी तथा देवी पञ्चायन मन्दिर परिसरमा अठार पुराण  पुराण समापन एवं इलाम धार्मिक महोत्सव  २०८० आयोजना हुने भएको छ ।

इलाम जिल्लामा रहेका शक्तिपीठ  तथा धार्मिकस्थलको प्रचारप्रसार र विकास गर्ने उदेश्य सहित  आगामी  चैत १ देखि ९ सम्म संचालन हुन लागेको  अठार  पुराण अन्तर्गत श्री स्कन्ध पुराण र बहुधार्मिक संयोजन सहित इलाम धार्मिक महोत्सव आयोजना गरिएको जनाएको छ । कार्यक्रमको लागी  आवश्यक तयारी तिव्र भैरहेको अठार पुरान मुल आयोजक समितिका अध्यक्ष सन्दीपकुमार बुढाथोकीले बताउनु भयो ।


महोत्सवमा बौद्ध धर्मगुरुबाट दोमाङ्ग पाठ किरात धर्मगुरुबाट मुन्धुम र हिन्दु धर्म गुरुबाट पुराण तथा धार्मिक महोत्सवको तयारी र प्रचारप्रसार तिव्र रुपमा भैरहेको बुढाथोकीले बताउनु भयो । पुराणमा  भागवत् मञ्जरी राधिका दासीबाट स्कन्द पुराण कथा वाचन हुने भएको छ ।

किराँत धर्म गुरु महिङ्गुम अङसीमाङ आत्मानन्द लिङदेन , बौद्ध धर्म गुरु खेन रिन्पोछे फुर्तेम्बा शेर्पा र जगदगुरु श्रीबाल सन्त मोहन शरणदेवचार्य महाराजश्री लगायतका धार्मिक ब्यक्तिबाट धार्मिक प्रवचन  हुने आयोजकले जनाएको छ ।
२०५९ सालमा इलाम नगरपालिका ६ स्थित श्री जनकल्याण प्राथमिक बिद्यालय प्राङ्गणमा पुराण सुरु गरी अठार पुराणको लक्ष्य लिइएको जनाइएको छ ।  सो समयमा बिश्व शान्तिको कामना गर्दै हिन्दु धार्मिक परम्परा र बौद्ध धर्म अनुसार दोमाङ पाठ गरि पुरान सुरु गरिएको थियोे । विगत वर्षहरूमा इलाम जिल्लाका विभिन्न स्थान , माइखोला , गजुर्मुखी धाम लगायत विभिन्न शक्तिपीठहरुमा  १७ पुराण सफलतापूर्वक पाठ एवं वाचन सम्पन्न गरिएको  श्री अठार पुराण मुल आयोजक समितिलेका सचिव रविन रायमाझीले बताउनु भयो । यो
महोत्सवबाट धार्मिक पर्यटकलाई इलाममा आकर्षित गरी  इलामको धार्मिक पर्यटन प्रवर्द्धनमा टेवा पुग्ने आयोजको अपेक्षा  छ ।