ईलाम नगरपालिका माईजोगमाई अध्यक्ष कपको च्याम्पियन

माईजोगमाई ,१९ बैशाख : ईलाम नगरपालिका माईजोगमाई अध्यक्ष कप अन्तरपालिका आमन्त्रित पुरुष फुटबल प्रतियोगिता २०८० को च्याम्पियन बनेको छ । माईजोगमाई गाउँपालिकाको केन्द्र नयाँबजार स्थित बालागुरु खेलमैदानमा मंगलबार भएको खेलमा फाकफोकथुम गाउँपालिकालाई टाइबे्रकरमा पराजित गरेको हो । निर्धारित समयमा खेल एक एक गोलको बराबरी भएपछि खेलको निर्णय टाइबे्रकरबाट भएको हो । टाइबे्रकरमा ३ -० ले पराजित गर्दै इलामले उपाधि चुमेको हो ।

प्रतियोगिताको बिजेता बनेको इलाम नगरपालिकाले नगद रु दुई लाख दश हजार साथमा ट्रफी मेडल र प्रमाण पत्र प्राप्त गरेको छ । उपबिजेता बनेको फाकफोकथुम गाउँपालिकाले रु एक लाख बिस हजार साथमा ट्रफी मेडल र प्रमाणपत्र प्राप्त गरेको छ ।
माईजोगमाई गाउँपालिका अध्यक्ष कुश बहादुर थेवेको अध्यक्षता र इलाम क्षेत्र न १ का संघीय सांसद महेश बस्नेतको प्र्रमुख आतिथ्यतामा भएको थियो ।