इलाम १ : कांग्रेसका निश्कल राई विजयी

इलाम फागुन २५:

इलाम क्षेत्र नम्बर १ मा नेपाली कांग्रेसका उम्मेदवार निश्कल राई बिजयी हुनुभएको छ । 
राईले १४ हजार ५४३मत प्राप्त गर्नु भएको छ ।
सूर्योदय नगरपालिका ४ श्रीअन्तुका स्थायी बासिन्दा ३५ वर्षीय राई विजयी भएर यस क्षेत्रमा काङ्ग्रेसले २७ बर्ष  पछि जीत निकालेको छ । राई व्यवस्थापन संकायमा स्नातकोत्तर पूरा गरी अर्थशास्त्रमा एमफिल अध्ययनरत छ्न । राई नेपाली काङ्ग्रेसको  इलाम क्षेत्र १ को प्रदेश सभा निर्वाचन क्षेत्र (ख) का सभापति हुन् । प्रदेश सचिव हुँदै सभापतिसम्मको जिम्मेवारी सम्हाल्नु भएका राई पूर्वक्षेत्रीय सहसचिवसमेत हुनुहुन्थ्यो ।
शंकरदेव क्याम्पस, काठमाडौंमा लामो समय अध्यापन गराउनु भएका  राई विद्यालय जीवनदेखि नै विद्यार्थी राजनीतिमा सक्रिय रहँदै आउनु भएको छ । 

निकटतम प्रतिस्पर्धी  श्रम संस्कृति पार्टीका उम्मेदवार विनोद नेम्वाङ लिम्बुले १३ हजार ६३२मत प्राप्त गर्नु भयो  भएको छ ।

एमालेका उम्मेदवार काजीमान कागते ११ हजार ९६६मत प्राप्त गरी तेस्रो हुनुभएको छ । 
राष्ट्रिय स्वतन्त्र पार्टीका उमेदवार विमल गदालले ९ हजार १६० मत प्राप्त गर्नु भएको छ भने
नेपाली कम्युनिष्ट पार्टीका  उम्मेदवार रण बहादुर राईले ७ हजार ६६५ मत प्राप्त गर्नु भयो ।

यहाँ खसेको मत ६३ हजार  ९५७ रहेको छ । बदर मत ४ हजार ५६६ रहेको छ ।