विपत्त व्यवस्थापन सम्बन्धी तालिम इलामको गोदकमा सुरु

इलाम , २८ फागुन :विपत्त व्यवस्थापन सम्बन्धी तीन दिवसीय तालिम विहिबार देखि  इलाममा सुरु भएको छ । नव जागृति महिला समुहकाे आयाेजनामा भएको तालिममा इलाम नगरपालिका १० गोदकमा स्थानीयबासी सहभागी छन ।

विपत्त ब्यवस्थापनमा जागरुक गराई आफ्नो घर , गाउँ , टोलमा आउन सक्ने विपत्तको पुर्वतयारी , विपत्तको बेला र विपत्त पछि के केसरी तयारी गर्न सकिन्छ भन्ने बारे सचेतना जगाउने उदेश्य सहित तालिमको आयोजना गरिएको नव जागृति महिला समुहकी अध्यक्ष रोशु बानियाँले बताउनु भयो । टेवा काठमाडौकाे आर्थिक  सहयाेग  र सहयात्रा नेपाल संस्था , इलाम  नगरपालिका वडा नम्बर १० को वडा कार्यलयको समन्वयमा तालिम संचालन भइरहेको छ ।

तालिममा सशस्त्र  प्रहरी बल इलामका प्रमुख एसपी केशवराज प्याकुरेलले सहजीकरण गरीरहनु भएको छ । तालिममा यसै वडाका ८ वटा टोलविकास संस्थाका युवा , महिला , ज्येष्ठ नागरिक लगायत ४० जना सहभागी भएका  छ्न ।

कार्यक्रमको उद्घाटन नगरपालिका वडा नम्बर १० का वडा अध्यक्ष ओमनाथ प्रधान (दिलिप)को प्रमुख आतिथ्यता र  नव जागृति महिला समुहकी अध्यक्ष रोशु बानियाँको अध्यक्षतामा भएको थियोे ।