इलाममा साउन २८ देखि  मिनि मेला

इलाम ,२७ साउन :इलामको पर्यटन प्रबर्द्धन गर्ने  उद्देश्यले हरित नगर महिला समूहले इलाम बजारमा मिनी मेला आयोजना गर्ने भएको छ । नजिकैदै गरेको तीज लगायतका चाडपर्वलाई लक्षित गरी आयोजना गरिने यो मेलामा स्थानीय रैथाने उत्पादन,परिकार , सास्कृतिक कार्यक्रमहरु सन्चालन हुने जनाईएको छ । मेला आगामी  साउन २८ देखि भदौ १५ गतेसम्म आयोजना  गरीएको  हरित नगर महिला समुहकी उपाध्यक्ष सुनिता  कर्मचार्यले बताउनु भएको छ  ।
मेलाको सह–आयोजक होटल व्यवसायी संघ इलामले गर्नेछ ।  मेला  व्यवस्थापन झापाको कन्काई फनवोर्डले गर्ने जनाइएको छ।   चाड्बाड लक्छित गरएर  मिनि मेला आयोजना गरिएको होटल ब्यवसायी सङका अध्यक्ष देवी पौडेलले बताउनु भएको छ ।
आयोजकले तीज बिशेष कार्यक्रमको समेत आयोजना गर्ने भएको छ ।  सुस्ताउदै गएको इलामको पर्यटनलाई चलायमान बनाउन  मिनी मेला आयोजना गरिएको र यसले  आर्थिक क्षेत्रमा टेवा पुर्याउने  हरित नगर महिला समूहकी सुशिला पोख्रेलको भनाइ छ ।
मेलामा महिला उद्यमीले  उत्पादन गरेका विभिन्न सामाग्रीहरु समेत प्रदर्शनमा  राखिने भएको छ । स्थानीय  रैथाने खानाका परिकार सहितका १० बढी  स्टलहरु  राखिने आयोजकले जनाएको छ  । मेला अवधिभर १० हजार बढि  पर्यटकले अवलोकन गर्ने र इलाम सदरमुकाम लगायत आसपासका स्थानमा चहलपहल बढ्ने आयोजकको अपेक्षा छ ।