इलाममा ट्याक्टर दुर्घटना हुँदा एकजनाको मृत्यु 

इलाम कार्तिक ३०:

ट्याक्टर दुर्घटनामा इलाममा एकजनाको मृत्यु  भएको छ । इलाम सन्दकपुर गाँउपालिका २ गोरुवाले भञ्ज्याङ स्थित भित्री सडक खण्डमा   दुर्घटना हुदा  पाँचथर जिल्ला फिदिम नगरपालिका  १४ बस्ने वर्ष ३४ का सोम राईको घटना स्थलमा मृत्यु भएको इलाम प्रहरीले जनाएको छ ।

इलामबाट पाँचथर तर्फ (नेपाली कागज बनाउन प्रयोग हुने) लोक्ताको लोड बोकी जाँदै गरेको १-०२-००३-त ३४०२ नं.को ट्याक्टर गएराती आफै अनियन्त्रित भई सडकबाट करीब ५० मिटर तल झरी दुर्घटना भएको प्रहरीले जनाएको छ ।
सोहि ट्याक्टरमा सवार फिदिम नगरपालिका १३ बस्ने   ४५ बर्षिय   टंक तामाङ , सोही स्थान बस्ने ४० बर्षिय  युद्ध कुमार राई घाइते भएका छ्न । उनीहरूको  गणेशमान सिंह सामुदायिक अस्पताल फिदिम पाँचथरमा उपचार  भएर डिस्चार्ज भएका छ्न । ट्याक्टर चालक  संखुवासभा जिल्ला मकालु गाँउपालिका ३ बस्ने वर्ष २३ को बिकुल पराजुली तत्काल फरार रहेकोले खोजतलास भइरहेको जिल्ला प्रहरी कार्यलय इलामका सुचना अधिकारी प्रहरी निरिक्षक मौसम उदासले जानकारी दिनु भएको छ ।