मेचीराजमार्ग अन्तर्गत माइखोला राजदुवाली आंशिक खुल्यो

इलाम कार्तिक १४ :बर्षा पछि अबरुद्ध मेची राजमार्ग अन्तर्गत माईखोला राजदुवाली संचालनमा आएको छ । स्थानीय प्रशासनले इलाम जिल्लाभर मेची राजमार्गमा बिहीबार साँझ ७ बजे देखि शुक्रबार बिहान ६ बजेसम्मका लागि सवारी सञ्चालनमा रोक लगाएको थियो । निरन्तरको बर्षा पछि बिहान खुला गरिने भने पनि सडक अबरुद्ध भएको थियो । मर्मत पछि साना सवारी एकतर्फी सुचारु गरिएको छ ।
शनिबार इलाममा लोकसेवा परीक्षा भएकोले इलामको राजमार्ग सुचारु गर्ने बारे गम्भीर भएको प्रमुख जिल्ला अधिकारी सुनिता नेपालले बताउनु भएको छ । माईखोला राजदुवाली सडक निरन्तरको बर्षाले भासिने , दबिने र चिरिने भइरहेको कारण रोक लगाएको सडक लोकसेवा परिक्षा भएको कारण केही मर्मत गरि मोटरसाइकल र जीप आज साझ ५:३० बजे सम्मको लागि खुलाइएको जिल्ला प्रशासनले सुचना नै जारी गरेको छ । अन्य सवारी संचालन बारे अर्को सुचना जारी नभए सम्म सडक बन्द नै रहने सुचनामा उल्लेख गरिएको छ । भोली इलाम केन्द्रमा लोकसेवा परिक्षा दिन आउनेहरुले अनिवार्य परिचय पत्र र प्रवेश पत्र अनिवार्य साथमा राख्नु पर्ने प्रशासनले जनाएको छ ।
निरन्तरको बर्षा पछि सडक अबरुद्ध हुँदा लोकसेवा परिक्षा केन्द्र इलाममा आउने परीक्षार्थी अन्योलमा रहेका थिए यद्यपि परिक्षा पुर्व निर्धारित भएको सन्चालन हुने लोकसेवा आयोग इलामका प्रमुख पुष्कर भट्टराईले बताउनु भएको छ । लोकसेवा परिक्षामा २४ सय ४६ जना सहभागी हुदैछन । ११ वटा केन्द्रमा परिक्षा सन्चालन हुने जनाइएको छ ।

असोज १८ गतेको बाढीपहिरोपछि मेची राजमार्ग अन्तर्गत माइखोला राजदुवाली खण्ड सहित विभिन्न सडक खण्डमा जोखिम कायमै छ । बाढीपहिरोले कमजोर भएको जमिनमा जोखिम बढ्ने भएपछि स्थानीय प्रशासन , स्थानीय सरकार लगायत सरोकारवाला सबैले सजग रहन आग्रह गरी रहेका छ्न ।