विपद न्यूनीकरण गर्न नवजागृती महिला समुह द्वारा समुदायस्तरमा तालिम

इलाम , १६ चैत : विपद व्यवस्थापन सम्बन्धी तीन दिवसीय तालिम  इलाममा सुरु भएको छ । नवजागृती  महिला समुहको आयोजनामा इलाम नगरपालिका ४ मा  सोमबारदेखि  सुरु भएको हो । विपद ब्यवस्थापन सम्बन्धि नागरिकलाई जानकारी गराई विपद पुर्व तयारीमा रहन सचेत गराउने उदेश्यले तालिमको आयोजना गरिएको  नवजागृती महिला समुहकी अध्यक्ष रोशु बानियाँले  बताउनु भयो ।

तालिमको उद्घाटन इलाम नगरपालिका ४ का वडा अध्यक्ष नुतनदेव दुलालको प्रमुख आतिथ्यता र नवजागृती  महिला समुहकि अध्यक्ष रोशु बानियाँको अध्यक्षतामा भएको थियो ।
इलाम नगरपालिका ४ का वडा अध्यक्ष नुतनदेव दुलालले तालिम बाट विपद न्यूनीकरणमा सहयोग पुग्ने बताउनु भएको छ । विपदबाट हुने सम्भावित क्षति न्यूनीकरण गर्नका लागि तालिमले सहयोग पुर्याउने उहाँको भनाई छ । उद्घाटन कार्यक्रममा सहयात्रा नेपाल अध्यक्ष हेमकुमारी शिवा , इलाम नगरपालिका ४ का वडा सदस्यहरु पारसमणि काफ्ले , सुर्यमाया राई , वडा सचिव रामचन्द्र नेपाल , चेतनशील महिला समुहकी अध्यक्ष यमुना देवान लगायतको उपस्थिति रहेको थियो ।

  तालिममा  इलाम नगरपालिका ४ का  स्थानीयबासी , ,टोल विकास संस्था प्रतिनिधि ,विपतमा परेका समुदाय  , विद्यालय व्यवस्थापन समिति ,विद्यालयका सम्बन्धित विषयका शिक्षक, विपद व्यवस्थापन समितिका ४० जना सहभागी  भएका छन ।

टेवा काठमाडौको आर्थिक सहयोग , सहयात्रा नेपाल इलाम र इनपा ४ को समन्वयमा तालिम संचालन भइरहेको छ । सशस्त्र प्रहरी बल इलाम श्री अन्तुका एसपी केशवराज प्याकुरेलले सहजीकरण गरिरहनुभएको छ।

।