इलाम गोल्डकप : उपाधिका लागि आज  डिफेन्डिङ च्याम्पियन एनआरटी र  मच्छिन्द्र भिड्दै

सविता पाण्डे , इलाम , १२ बैशाख :इलाम गोल्डकपको उपाधिका लागि आज  डिफेन्डिङ च्याम्पियन न्युरोड टिम (एनआरटी) र मच्छिन्द्र फुटबल क्लब बिच प्रतिस्पर्धा हुँदैछ । इलाम स्थित  ठुलो टुँडिखेलमा जारी  प्रतियोगितामा मच्छिन्द्र र एनआरटीका प्रशिक्षक तथा खेलाडीहरूले उपाधि जित्ने लक्ष्यसहित मैदान उत्रदै छ्न । 
लगातार दुई संस्करणकै उपाधि उचालेको एनआरटी ह्याट्रिक गर्ने दाउमा छ भने तेस्रो इलाम गोल्डकपको  उपाधि उचाल्ने  दाउमा मच्छिन्द्र रहेको छ । 

एनआरटीले  पहिलो संस्करणमा विर्तामाेड युनाइटेडमा टाइब्रेकरमा ४-३ गोल अन्तरले हराउँदै उपाधि उचालेको थियो भने दोस्रो संस्करणमा चर्च ब्वाइजलाई ३-० गोलले हराउँदै उपाधि  उचालेको थियो ।  आफ्नो जीतको इतिहास जोगाउन एनाआरटी अनुभवी तथा युवा खेलाडीको साथमा  मैदान उत्रने तयारीमा रहेको छ ।  एनआरटीका कप्तान आशिस गुरुङ भन्छ्न :   ‘आफ्नो टिमले उत्कृष्ट खेल खेल्दै उपाधिका लागि मैदान उत्रने तयारीमा छौ’  ।  
यता  मच्छिन्द्र सशक्त टीम सहित  प्रतिस्पर्धामा उत्रने भएको छ ।  योजनाबद्ध खेलमार्फत उपाधि हात पार्ने  दाउमा रहेको  मछिन्द्रका कप्तान देवेन्द्र तामाङले बताएका छन ।  इलामे दर्शनको उत्तिकै साथ र समर्थन पाएको दुवै टोली उपाधिको दाबेदार मानिएको छ ।
रेडहर्ष फुटबल क्लबको आयोजनामा जारी प्रतियोगिताको फाइनल खेल दिउँसो २ बजे हुने आयोजकले जनाएको छ । प्रतियोगिताको विजेताले नगद १० लाख रुपैयाँ र उपविजेताले ५ लाख रुपैयाँ प्राप्त गर्नेछन्।