अपाङ्गको चित्कार ‘बचाउ सरकार’

Share This
  •  
  • 14
  •  
  •  
  •  
  •  
  •  
  •  
  •  
  •  
    14
    Shares
अपाङ्गको चित्कार ‘बचाउ सरकार’

इलाम : राष्ट्रिय अपाङ्ग महासंघका इलाम अध्यक्ष प्रकाश थापा नियमित औषधी सेवन गर्छन् । पछिल्लो समय मृगौलाको समेत समस्या थपिएका उनको सबै औषधी सकिएको छ । उपचारका लागि काठमाण्डौ जानुपर्ने उनी घरमै थन्कीएका छन् । खानुपर्ने औषधी सकियो । उनीसंग अब न औषधी छ नत उपचार नै ।

अध्यक्ष थापा मात्रै हैन सूर्योदय नगरपालिका ९ कि गंगा प्रधानको अवस्था झनै नाजुक छ । उनले सुनाईन ‘हातखुट्टा सुनिएका छन्, कोठाबाट बाहिर निस्कन पनि सक्दिन ।’ नसा लगायतका औषधी सकिएकाले प्रधान दिनदिनै थलिन थालेकी छन् ।

सरकारले अपाङता भएकाहरुलाई राहतमा नसमेटेको कारण मन दुखाएका अपाङहरु अहिले विभेदको महशुस गरिरहेको अध्यक्ष थापाको गुनासो छ । अरुको भरमा बाच्नुपर्ने अपाङहरुले राहत नपाउँदा भोक्कै पर्ने अवस्था रहेको थापाले बताए ।

सूर्योदय नगरपालिकाको अपाङ समन्वय समिति सदस्य समेत रहेकी गंगा प्रधानले गुनासो गरीन ‘अपाङ्ग भएको घर त्यसै आर्थिक रुपमा कमजोर रहन्छ,त्यसमा पनि औषधी खानुपर्नेको आर्थिक अवस्था निक्कै कमजोर छ, त्योकुरा सरकारले बुझेन ।’

उनले अपाङता भएका व्यक्तिहरुको नाममा स्थानीय सरकाले छुट्याएको बजेटबाट नै राहत दिनुपर्ने बताइन् । सूर्योदय नगरपालिका ७ कि कुन्तामाया खतिवडाले पनि राहत हात पारिनन् । छोरा लिलाधर खतिवडाले गुनासो गरे ‘गरिबलाई दिइयो, अपाङलाई छुटाइयो ।’ कुन्ता जस्तै इलामका ४ हजार ३ सय जनाले रातह र औषधी सुविधा माग गरेपनि स्थानीय सरकारले समेत नसुनेको अध्यक्ष थापाले सुनाए ।

इलाममा रातो कार्ड पाउने पुरै असक्त ५१३ जना, निलो काड पाउने अरुको भरमा हिड्न सकने १ हजार ५४४ जना, सामान्य अवस्थाको भनिने पहले काड पाउने १ हजार १३७ र सेतो काड पाउने ७६८ जना रहेको अपाङताको क्षेत्रमा काम गरिरहेको करुणा फाउण्डेसन नेपालले जनाएको छ । फाउण्डेसनले कमजोर आर्थिक अवस्था भएकालाई राहत दिलाउन स्थानीय सरकारसंग पहल गरिरहेको अजित योन्ञ्जनले जानकारी दिए ।

महासंघका अध्यक्ष थापाले भने गाउँगाउँमा नसा सम्बन्धी औषधीनपाएर विरामीहरु थलिन थालेको गुनासो आउन थालेको बताए । उनले गुनासो गरे ‘यो भन्दा विभेद के हुन्छ, सरकार हाम्रो मृत्यु पर्खेर बसीरहेको आभाष हुन थालेको छ ।’