नामसालिङ्ग र नयाँबजारमा एकसय बेडको क्वारेन्टाइन निर्माण

बैशाख ११, इलाम । इलामको माईजोगमाई गाउँपालिकामा पुन थप क्वारेन्टाइन निर्माण गरीएको छ । प्रदेश १ का बिभिन्न स्थानमा कोरोना संकमित भेटीन थालेपछि जिल्लाका १० वटा स्थानिय तहमा ८ सय ८० बेडको क्वारेन्टाइन निर्माणका लागि पहल थालिएको थियो । सोहि क्रममा माईजोगमाई गाउँपालिकामा पुन एकसय बेडको क्वारेन्टाइन थप गरीएको हो ।

बिश्वमा माहामारीको रुपमा फैलिएको कोरोना भाइरसको रोकथाम र नियन्त्रण गर्न भन्दै विपद व्यवस्थापन केन्द्रले जिल्लाका स्थानीय तहहरुलाई थप क्वारेन्टाइन बेड निर्माणका लागि निर्देशन दिएसंगै उक्त गाउँपालिकामा क्वारेन्टाइन थप गरीएको गाउँपालिकाका अध्यक्ष जीतबहादुर राईले बताउनुभयो । भारतसंग सिमा जोडिएको यस गाउँपालिका जोखिममा पर्दछ । यसअघि निर्माण भएका क्वारेन्टाइन बेडलाई थप गर्दै पुन १ सय वटा थपिएको हो । जसअनुसार सोहि गाउँपालिकाको केन्द्र नयाँबजारमा ५० शैया र वडा नम्बर ३ को नामसालिङ्ग स्थित स्वास्थ्य संस्थाको भवनमा ५० शैयाको गरेर एकसय शैयाको क्वारेन्टाइन बनाएको गाउँपालिकाले जनाएको छ ।

वडा नम्बर ३ मा निर्माण गरीएको क्वारेन्टाइनको ब्यबस्थापन गर्नका लागि वडा नम्बर ३ का वडाध्यक्ष यामप्रसाद लामाको संयोजकत्वमा ९ सदस्यिय ब्यबस्थापन समिति पनि गठन गरेको छ । जसको सदस्यहरुमा स्वास्थ्य संस्था, प्रहरी चौकीका प्रतिनिधि, सोहि वडाका वडा सदस्य निर्मल घिमिरे सहित रोमिला चम्लगाइँ, पूजा हेल्मु, धरणि निरौला, सुमन घिमिरे र देउमाया बजगाइँ रहनु भएको छ । गाउँपालिकाका अध्यक्ष जीतबहादुर राई, प्रशासकिय अधिकृत भागतप्रसाद रेग्मि लगायतको उपस्थितीमा क्वारेन्टाइन स्थापना गरीएको वडा सदस्य निर्मल घिमिरेले जानकारी दिनुभयो ।