कोरोनाको कारण अर्जुनधारा नगरपालिकाका प्रशासकीय अधिकृत खाम्याहाङको निधन

झापा , जेठ ३
कोरोना संक्रमणको कारण अर्जुनधारा नगरपालिकाका प्रमुख प्रशासकीय अधिकृत महेन्द्रकुमार खाम्याहाङको सोमबार मृत्यु भएको छ । स्वास प्रश्वासमा समस्या आएपछि खाम्याहाङको बिर्तामोडस्थित बिएन्डसी हस्पिटलमा उपचार भइरहेको थियो । वैशाख १० गते एन्टिजेन परीक्षण गर्दा संक्रमण पुष्टि भएको थियो । वैशाख १७ गते थप उपचारका लागि बिएन्डसीमा भर्ना गरिएको थियो ।उपचारकै क्रममा आज बिएन्डसी हस्पिटलमा निधन भएको झापाका प्रमुख जिल्ला अधिकारी श्रवणकुमार तिमल्सिनाले पुष्टि गर्नु भएको छ ।