माछा मार्न गएका बालकको ज्यान गयो

इलाम असोज २१
इलाममा खोलाले बगाएर एक बालकको मृत्यु भएको छ । इलाम नगरपालिका २ सुम्बेक स्थित सुमरमाई हाईड्रो पावर मुनि माईखोलामा हिजो (बिहिवार )माछा मार्न गएका बर्ष १२ का निगम राई बेपत्ता भएका थिए । प्रहरी र स्थानिय मानिसहरुले खोततलास गर्ने क्रममा आज दिउँसो इलाम नगरपालिका २ सुम्बेक स्थित सुमरमाई हाईड्रो पावर मुनि माईखोलामा मृत अवस्थामा फेला पारेको जिल्ला प्रहरी कार्यलय प्रहरी निरीक्षक प्रदीप सुवेदीले बताउनु भयो ।
इलाम नगरपालिका ५ बिप्ल्याटे बस्ने शुक्रराज राईको छोरा निगम राई मामा घर ईलाम नगरपालिका २ सुम्बेक रबिन राई (मामा) को घरमा गएको बेला उनको मामाको छोरा १४ बर्षिय सरन राई संग घाँस काट्न गएका थिए । सोही स्थानमा रहेको पावर हाउस मुनि माईखोलामा माछा मार्ने क्रममा खोलाले बगाई बेपत्ता भएका थिए ।