इलाममा मंगलबार रातिदेखि जेठ १२ सम्म निषेधाज्ञा

इलाम, बैशाख २८ ।
इलाममा कोरोना संक्रमित बढ्दै गएपछि आज रातिदेखि लागु हुने गरी निषेधाज्ञा जारी गरिएको छ । मंगलबार राति १२ बजेदेखि लागू हुने गरी निषेधाज्ञा जारी गरिएको प्रमुख जिल्ला अधिकारी धुव्र बहादुर खड्काले बताउनु भएको छ । आज बसेको जिल्ला सुरक्षा समितिको बैठकले विश्वभर फैलिदै गएको कोभिड १९ महामारी जिल्लामा तीव्र रुपमा फैलिदै गएकोले जनस्वास्थ्यमा पर्नसक्ने गम्भीर असरलाई नियन्त्रण गर्न थप सर्तकता अप्नाउन यस्तो निर्णय गरिएको जनाइएको छ । आज रातीदेखि लागू हुने निषेधाज्ञा आगामी जेठ १२ गते राती सम्म जारी रहने छ । यस अघि इलाम सदरमुकाम इलाम बजारमा आशिंक निषेधाज्ञा जारी गरिएको थियो । आजको निर्णयले जिल्ला बाहिरबाट भित्रने र बाहिरिने सबै यात्रु बाहक सवारी साधन र जिल्ला भित्र चल्ने सवारी साधनमा संचालनमा रोक लगाइएको छ।