तिहारमा फूलबाट सजाउनुहोस् आफ्नो कपाल

Share This
  •  
  •  
  •  
  •  
  •  
  •  
  •  
  •  
  •  
  •  

कुनै पनि कार्यक्रम तथा अवसरमा शीरदेखि पाउसम्म तयार भएपछि आकर्षक हेयर स्टाइल (कपालको सजावट) पनि उत्तिनै आवश्यक हुन्छ । त्यस पनि नारीका लागि त हेयर स्टाइल मुख्य आकर्षक बन्ने गर्दछ । यो तिहारमा तपाईंले आफ्नो पहिरनका साथै सुहाउने गहनालगाइ रहँदा कपालको स्टाइलमा पनि केही नयाँ गर्न सक्नु हुनेछ ।

तपाईं तिहारको अवसरमा आफ्नो कपाललाई रंगीबिरंगी फूलले सजाउन चाहनु हुन्छ ? यसो गर्दा कपालमा ‘फ्लावर बन’ बनाउन एक कुशल हेयर स्टाइलको रुपमा आफूलाई साबित गर्न पनि सक्नु हुनेछ ।यी हेयर स्टाइल परम्परागत भेषभुषामा पनि उत्तिकै सुहाउने खालका हुनेछन् । तपाईंले साडी तथा लेहंगा पहिरदा पनि यस किसिमका हेयर स्टाइल बनाउन सक्नु हुनेछ ।

फूल हेयर बन

बन हेयर स्टाइल महिलाहरुलाई ज्यादै मन पर्ने हेयर स्टाइल हो । यदि तपाईं यसलाई केही फरक बनाउन चाहनु हुन्छ भने आकर्षक बनाउन केही विशेष कुरा आवश्यक छ ।हेयर बनका लागि फूल एक महत्वपूर्ण चिज हो । पहिलेको समयमा पनि युवतीहरुले केही नभएको खण्डमा कपालमा फूल लगाएर सजाउने गर्दथे । त्यसैले फूलले तपाईंको रुपलाई केही समयभित्रै फरक देखाउने छ । त्यसैले आउनुहोस् यो तिहारको अवसरमा रंगीबिरंगी फूलको प्रयोगबाट तपाईंलाई फरक देखाउने हेयर स्टाइलका ६ तरिका यहाँ प्रस्तुत गर्दछौँ ।

चमेलीको फूल

बुनिएको चमेलीको फूलको एउटा गुच्छाले तपाईंलाई आकर्षक र सुन्दर देखाउने छ । यसले परफेक्ट लुक दिने छ । यदि तपाईं परम्परागत लुक अर्थात रुपका बारेमा सोच्दै हुनुहुन्छ भने त्यो पनि एक मन पर्ने रोजाइ हुनसक्छ ।

लेहंगा होस् या साडी यसका साथै कुनै पनि जातिय भेषभुषामा तपाईंले आफूलाई आकर्षक देखाउन सक्नु हुनेछ । चमेलीको फूल तपाईंको हेयर स्टाइलका साथ अत्यन्तै सुहाउने हुनेछ । तपाईंले आफ्नो कपालको बनको चारै तिर तथा गोलाईमा सजाएर लगाउन सक्नु हुन्छ । त्यसलाई कपालको चारै तिर तथा बेरेर लगाउन सकिनेछ । तपाईंले चमेलीको फूललाई बनको माथि तथा तल्लो भागमा लर्काएर पनि लगाउन सक्नु हुनेछ ।

सयपत्री फूल

सयपत्री फूल तपाईंको कपालका लागि एक आदर्श आभूषण हुनेछ । यो उज्ज्वल तथा जीवन्त हुन्छ । यसले तपाईंलाई पनि उत्तिकै जीवन्त बनाउने छ । यो फूल रेशमको साडी तथा लेहंगाको साथमा अत्यन्तै सुहाउने छ । यसले तपाईंलाई अत्यन्तै सुन्दर एवं परम्परागत रुप दिने छ ।
यसलाई धागोमा उनेर तपाईंले कपालको चारैतिर तथा गोलो रुपमा सजाएर लगाउन सक्नुहुनेछ ।

सुनगाभा अर्थात अर्किड फूल

अर्किड एक अन्तर्राष्ट्रिय फूलको रुपमा परिचित छ । यद्यपि, यसबाट पनि तपाईंले आफ्नो कपाललाई सजाउन सक्नु हुनेछ । यदि तपाई झिलमिलाउने लेहंगा लगाउनु हुन्छ भने अर्किडले सजाएको हेयर स्टाइलले तपाईंको आकर्षक सुन्दरतालाई पूर्ण बनाउने छ ।
अरु फूल जस्तो धरै नभइ दुई वा तीन मात्र उपयोग गर्नुहोस् । यसका साथै यो स्टाइलिस कपडामा पनि अन्त्यन्तै आकर्षक देखिने छ ।

गुलाबको फूल

गुलाबको प्राय सबैको मन पर्ने फूल हो । गुलाब सान, सुन्दरता तथा प्रेमको प्रतीक पनि हो । यो कुनै पनि प्रकारको साडी तथा लेहंगाको साथमा विशेष रुपमा रातो गुलाबले अत्यन्तै आकर्षक देखिने छ ।यो तपाईंको केशको बनको एक भाग या पुरै कपालमा फूलको एउटा गुच्छा लगाउन सक्नु हुनेछ । यति मात्रै होइन यो हेयरस्टाइलले तस्वीरमा पनि अत्यन्तै राम्रो देखिने छ ।

हाइड्रेन्जिया फूल

भारतीय अभिनेत्री अनुष्का शर्माले आफ्नो विवाहमा दुलही बनेर सजिदा हाडे«न्जियाको फूलले सजिएको जुन दिन महिलाहरुले देखे, त्यसयता यसको सौदर्यताप्रति धेरैको आकर्षण बढेको देखिन्छ ।यसले अत्यन्तै फरक र सुन्दर देखिने छ । लेहंगा तथा परम्परागत साडी वा कुनै अन्य कपडामा तपाईलाई यो फूलको सजावटले आकर्षण प्रदान गर्नेछ । तपाईंले आफ्नो कपालको बनलाई पुरै हाइड्रेन्जियाको फूलले ढाक्न सक्नु हुनेछ । साथै एउटा फूललाई बनको तल्लो भागमा राख्न पनि सक्नु हुनेछ ।

रंगीबिरंगी फूल

जब फूलमा तपाईंसँग थुप्रै विकल्पहरु छन् भने किन एउटै फूलमा भर पर्ने ? यस्तो अवस्थामा महिलाले आफ्नो कपाल सजाउनका लागि रंगीबिरंगी थुप्रै फूलको प्रयोग गर्न सक्छन् । यो वास्तवमा भन्ने हो भने अत्यन्तै राम्रो पनि देखिने छ ।रंगीबिरंगी फूललाई तपाईंले आफ्नो कपालमा आकर्षक ढंगले सबैतिर सजाउन सक्नु हुनेछ । तपाईंले फूलको एक जोडीलाई लिन सक्नु हुनेछ । र, त्यसलाई कपालको चारै तिर तथा बुनेर लगाउन सक्नु हुनेछ । यस प्रकारको हेयर बनका लागि गोदावरी, लिली, डेजी, पोजीका साथै केही जंगली फूलको उपयोग पनि गर्न सकिनेछ । यो रुपका लागि तपाईंले कुनै पनि प्रकारको कपडा पहिरन सक्नु हुनेछ ।