नामसालिङ्गमा भएको आगलागि रहस्यमय बिद्युत नभएको र मान्छे नभएको घरबाट आगलागि सुरु ,नेता खनालद्धारा दुख ब्यक्त

बैशाख ३०, इलाम । बिद्युतको लाइन काटिएको र मान्छे नै नभएको घरबाट इलामको माईजोगमाई गाउँपालिका ३ नामसालिङ स्थित स्थित शुक्रबारेमा सोमबार राति आगलागि भएको छ । आगलागिबाट करिब २०÷२५ लाख रुपैंयाँ बरारबको क्षती भएको प्रारम्भिक प्रतिबेदन प्रहरलिे तयार पारेको छ । स्थानीय मांगेलाल गर्गको घरबाट आगलागि शुरु भएको आगोले गर्गको सहित छत्रकुमारी दर्जीको घर पूर्ण रुपमा जलेर नष्ट भएको छ ।

आगलागि नियन्त्रण गर्न रुकमीणी प्रधानको घर भत्काइएको थियो । आगो करिब राती १० बजेबाट सुरु भएको थियो भने मंगलबार बिहान ३ बजे नियन्त्रणमा आएको नामसालिङ्ग प्रहरी चौकिले जनाएको छ । मांगेलाल गर्गको घरमा उहाँकै आफन्त बेद गर्गले लत्ताकपडा र जुत्ता पसल संचालन गर्दै आउनु भएको थियो । हाल उक्त घरमा कोहि नभएको र त्यस घरमा बिगत केहि समय अघि नै बिद्युत लाइन समेत काटिएको र त्यसै घरबाट आगलागि सुरु हुँदा घटना रहस्यमय भएको प्रहरी र गाउँपालिकाले जनाएको छ । आगो प्रहरी र स्थानीयले नियन्त्रणमा लिएका थिए । पानीको अभाव भएको कारण आगो चाँडो नियन्त्रणमा लिन नसकेको बताइएको छ । आगो नियन्त्रण गर्न सूर्योदय नगरपालिका र इलाम नगरपालिकाको दमकल मगाईए पनि साँघुरो बाटो भएको कारण जान नसक्ने भन्दै दमकल पठाउन नसकेको नगरपालिकाले बताएको थियो । जिल्लाकै पूरानो बजारको रुपमा रहेको शुक्रबारे बजारमा भएको आगलागि घटनाको बारेमा अनुसन्धानलाई तिब्रता बनाइने गाउँपालिका र प्रहरीले जनाएको छ ।

आगोले खाद्यान्न, कपडा, अन्नपात, भाँडाकुँडालगायत सबै सामान जलेर नष्ट भएको थियो । आगोले घर ध्वस्त भएपछि छत्रकुमारीको परिवार विस्थापित भएको छ । अग्नि पिडितलाई गाउँपालिकाले राहात उपलब्ध गराउने गरी प्रकृया अघि बढाइसकेको गाउँपालिका अध्यक्ष जीतबहादुर राईले बताउनुभयो । यता शुक्रबारेमा भएको आगलागीको बिषयमा पुर्व प्रधानमन्त्री एवम नेकपाका बरिष्ठ नेता झलनाथ खनालले दुःख व्यक्त गर्नुभएको छ । इलाम क्षेत्र नं १ का संघिय सांसद समेत रहनु भएका खनालले एक प्रेस विज्ञप्ती जारी गर्दै पिडित परिवारलाई तत्काल उचित बसोबासको व्यवस्थाका साथै राहतको प्रवन्ध मिलाउन स्थानिय तह र सरोकारवाला निकायलाई अनुरोध गर्नुभएको छ ।