इलाम बैशाख १५: इलाम २ मा शान्तिपूर्ण रूपमा मतदान सम्पन्न भएको छ । मत पेटिका गणना स्थलमा ल्याइदै छ । इलाम सदरमुकाम स्थित गौतम बुद्ध सभा गृहमा मत गणना गर्ने तयारी गरिएको छ । गणना स्थल बाट नजिकै को दुरिमा रहेका मतदान स्थलका मतपेटिका आइपुगेको छ । माङ्सेबुङ र चुलाचुली गाउँपालिकाको केहि स्थानबाट मतपेटिका आउन बाकी छ । राती करिब २ बजे सम्म मतपेटिका आइपुग्ने
प्रमुख जिल्ला अधिकारी इन्द्रदेव यादवले बताउनु भयो । मतदान शान्तिपूर्ण सम्पन्न भएको प्रजिअ यादवले बताउनु भयो ।
कुल १ लाख १५ हजार ८ सय ८९ जना मतदाता रहेका छन । इलाम २ का ७९ मतदानस्थलका १ सय ४९ वटै मतदान केन्द्र रहेको छ । उपनिर्वाचनमा १२ दल र सात स्वतन्त्र सहित १९ जना उम्मेदवार चुनावी मैदानमा छन् । इलाम २ मा छ पालिकाका ४२ वडामा मतदान भएको हो ।
