“विपत्त संकटग्रस्त ” इलामलाई वेवास्ता नगर्न स्थानीयको माग

इलाम , पुष २

इलाम जिल्लालाई विपत्त संकटग्रस्त जिल्ला घोषणा गरिए पनि अपेक्षित रूपमा पुनर्निर्माण, मर्मत तथा पुनस्थापनाको काम नभएको भन्दै स्थानीय आन्दोलनमा उत्रिएका छ्न ।

सचेत इलामेली नागरिकहरूले इलाम जिरोकिलो मिटरमा यातायात अबरुद्ध गरि बुधबार मेची राजमार्ग १ घन्टा बन्द गरेका छन् ।
सांकेतिक बिरोध गर्दै विरोध सभा गरी  राजमार्ग  बिहान ११ बजे देखि १२ बजे सम्म राजमार्ग बन्द गरेका गरेको
सचेत इलामेली नागरिकका संयोजक ईश्वर चिपालुले बताउनु भएको छ । सरकारको गम्भीर ध्यानाकर्षण गराउन चरणबद्व आन्दोलन थालिएको चिपालुको  भनाइ छ ।

गत असोज १८ र १९ को वर्षा पछि आएको बाढी पहिरोको  कारण जिल्लाको  अधिकान्श
सडक सञ्जालमा  क्षति पुगेको तर  संकटग्रस्त जिल्ला घोषणा  औपचारिकतामै सीमित भएको स्थानीयको गुनासो छ । 

संकटग्रस्त घोषणा पश्चात आवश्यक नीति, बजेट र कार्यक्रममार्फत पुनर्निर्माणका अधिकांश काम सम्पन्न हुने अपेक्षा भए पनि कुनै काम नभएको इलाम उद्योग बाणिज्य संघका अध्यक्ष चेतनाथ ( कृष्ण ) पौडेलले गुनासो गर्नु भएको छ । 

मेची राजमार्ग तथा वैकल्पिक सडकहरूको तत्काल पुनर्निर्माण आवश्यक रहेको विरोधमा सहभागी  स्थानीयको माग छ ।

इलाममा विपत्त पछि आर्थिक गतिविधि घट्दो क्रममा रहेको । पर्यटन , कृषि , उद्योग जस्ता इलामको मुख्य आर्थिक क्षेत्रमा अस्रर परेको होटल ब्यवसायी प्रकाश चापागाईंले बताउनु भयो ।

सचेत इलामेली नागरिकहरूले राजमार्ग बन्द सङै सडक डिभिजन कार्यलय इलाममा तालाबन्दी गरेका छन । उनीहरुले चरणबद्ध आन्दोलनका  कार्यक्रम सार्वजनिक गरेका छन ।
पहिलो चरणको आन्दोलनमा  तोकिएको  समयभित्र  काम सुरु नभए दोस्रो चरणको आन्दोलन गर्ने जनाइएको छ । आन्दोलनमा संघ सरकारले बजेट बिनियोजन नगरेको भन्दै इलाम नगरपालिकाकी उपप्रमुख बिष्णु कुमारी दहाल तथा वडा अध्यक्षहरु समेत  आन्दोलनमा उत्रिएका छ्न ।