इलाम : इलामको फाकफोकथुम गाउँपालिका–५ लुम्देका विनोद राई गायन रियालिटी सो ‘द भ्वाइस अफ् नेपाल सिजन ५ ‘ को फाइनल चरणमा पुगेका छन । राई विशेष साङ्गितिक प्रस्तुतिको लागि इलाम आउँदैछन् । सोमबार अपराह्न २ बजे इलाम बजारमा उनको गीत गाएर भोट माग्ने तयारी छ ।
चार प्रतिस्पर्धीमा परेका राईलाई जिताउन इलामबासी जुटेका छन् । प्रतिस्पर्धीका लागि भोटिङ खुला भए सङै गृह जिल्लामा प्रचारप्रसार तिब्र पारिएको छ ।
विनोद टिम मिलन नेवारबाट फाइनल पुगेका हुन् । टिम राजेशपायल राईको समूहबाट मकर योञ्जन ,टिम प्रमोद खरेलबाट नोगेन लिम्बू र टिम उदय सोताङबाट कुमार प्रयास राई फाइनलिस्ट बनेका छन ।
