अरिङ्गालले टोकेर दुई अस्पतालमा

माईजोगमाई : इलामको माईजोगमाई गाउँपालिका वाड १ र ३ को सिमानामा पर्ने नाम्सालिङ- नयाँबजार सडक खण्डको उत्तरे पोखरी नजिक अरिङ्गालले टोक्दा दुई जनालाई अस्पताल भर्ना गरिएको छ ।
शुक्रबार बिहान शुक्रबारे बजारबाट नयाँबजार जाने क्रममा अरिङ्गालले टोकेका उनीहरूलाई अस्पताल पठाएको स्थानीय देवि अधिकारीले जानकारी दिए । अरिङ्गालले टोकेर उषा घिमिरे र स्थानीय शिक्षक रविन पौड्याललाई झापा अस्पताल पठाएको स्थानिय उमाकान्त भट्टराईले बताए । अरिङ्गालले अहिले सम्म चार भन्दा बढिलाई टोकेको स्थानियले बताएका छन् ।
अरिङ्गाल एक प्रकारको विषालु कीरा हो। यो एक समुहमा बस्ने किरा हो। यसको देख्नसक्ने क्षमता धेरै हुन्छ यो किराले सिजन अनुसार आफ्नो घर फेर्ने गर्दछ। यो किरा जमिन मुनि र अग्ला अग्ला रुखको हाँगामा गोलो बनाएर बस्ने गर्दछ ।