फिक्कलमा आँखा तथा कान उपचार आरम्भ

फिक्कल : इलामको फिक्कलमा फिक्कल आँखा तथा कान उपचारको विहीबार आरम्भ गरिएको छ । सूर्योदय नगरपालिकाका प्रमूख रण बहादुर राई र उपप्रमुख दुर्गा कुमार बरालले उद्घाटन गरेको उपचार केन्द्रले विशेषज्ञ डाक्टर सहितको सेवा शुरु गरेको हो ।
विराटनगर आँखा अस्पतालको प्राविधिक सहयोगमा नेपाल नेत्र ज्योती संघले शुरु गरेको केन्द्रले मोतिया विन्दुको सल्यकृया लगायका उपचार सेवा प्रदान गर्ने संघले जनाएको छ ।

केन्द्रको उद्घाटन गर्दै कार्यक्रमका प्रमुख अतिथि सूर्योदय नगरपालिकाका प्रमुख रण बहादुर राईले केन्द्रलाई अस्पतालको रुपमा विकास गर्न इलामका सबै स्थानीय तहले सहयोग गर्नुपर्ने बताए । कार्यक्रमका विशेष अतिथि सूर्योदय नगरपालिकाका उपप्रमुख दुर्गा कुमार बरालले केन्द्रको विकासका लागि नगरपालिकाले सहयोग गर्ने बताए ।

माईजोगमाई गाउँपालिकाकी उपाध्यक्ष प्रविना राईले संघको प्रयासमा स्थापना भएको केन्द्रले पहाडी जिल्ला इलामका नागरिकलाई सुविधा थपेको बताइन् ।
संघका इलाम अध्यक्ष इन्द्र फूयालको सभापतित्वमा भएको कार्यक्रममा केन्द्रिय उपाध्यक्ष श्यामसुन्दर उदास, सिविएमका कन्ट्रि डाइरेक्टर सुवास सिग्देल, चौधरी आँखा अस्पताल लहानका अध्यक्ष रविन्द्रलाल चौधरी लगायतले केन्द्रको प्रगतीका लागि स्थानीय सरकार र नागरिकको सहयोग आवश्यक रहेको बताए ।

विराटनगर आँखा अस्पतालकी मेडीकल सुपरिटेण्डेन डा रक्षा पन्तले आँखा र कानका जटिल समस्या बाहेकका लागि इलाम र आसपासका नागरिकले अब अरु तिर जानु नपर्ने बताइन् । उनले केन्द्रमा अत्याधुनीक मेसिनको सेवा समेत शुरु गरेको जानकारी दिइन् ।

संघका सचिव विष्णु कार्कीले संघले इलामको सूर्योदय नगरपालिका र माइजोगमाई गाउपालिकामा समूदाय र विद्यालयमा पुगेर आँखा र कानको परिक्षण सम्पन्न गरेको बताए ।
संघका इलाम अध्यक्ष फुयालले सबैको प्रयासले मात्रै केन्द्रका् स्थापना सम्भव भएको बताए । संघले केन्द्रमै तीन दिने आँखा जाँच तथा सल्यकृया सिविर सुरु गरेका अध्यक्ष फूयालले जानकारी दिए ।