मध्यरातमा प्रतिनिधिसभा बिघटन , चुनावको मिति घोषणा

मध्यरातमा प्रतिनिधिसभा बिघटन  , चुनावको मिति  घोषणा

काठमाडौ जेठ ८ । मन्त्रिपरिषद्को सिफारिस लगत्तै राष्ट्रपति विद्यादेवी भण्डारीले मध्यरातमा प्रतिनिधिसभा भंग गर्नु भएको छ ।
मन्त्रिपरिषदले गरेको सिफारिसलगत्तै राष्ट्रपतिले प्रतिनिधिसभा भंग गरी कार्तिक २६ र मंसिर ३ गते दुई चरणमा मध्यावधि निर्वाचनको घोषणा गर्नु भएको छ ।
बालुवाटारमा बसेको मन्त्रिपरिषद् बैठकले प्रतिनिधिसभा भंग गरी मध्यावधि निर्वाचनको घोषणाका लागि राष्ट्रपतिसमक्ष सिफारिस गर्ने बित्तिकै राष्ट्रपति कार्यालयले यस्तो घोषणा गरेको हो । राष्ट्रपति कार्यालयले गरेको घोषणा वेवसाइटमा एक बजेर ४९ मिनेटमा पोस्ट भएको छ ।
शुक्रबार मध्यरातमा बसेको मन्त्रिपरिषद् बैठकले प्रतिनिधि सभा भंग गरी मध्यावधि निर्वाचन मिति राष्ट्रपतिसमक्ष सिफारिस गरेको थियो । राष्ट्रपति भण्डारीले शुक्रबार राति सरकार गठनका लागि नेपाली कांग्रेसका सभापति शेरबहादुर देउवा र एमाले अध्यक्ष केपी शर्मा ओलीको दाबी नपुगेको जनाए लगत्तै मन्त्रिपरिष बैठक बसेको थियो ।
बालुवाटार र शीतल निवास रातभर जाग्राम रहेर भए पनि ओलीको २०७७ पुस ५ को चाहना पूरा गर्ने काम भएको छ । हस्ताक्षर र सांसद त्यही उपस्थित हुँदा पनि अनेकन वहाना झिकेर दुवैलाई प्रधानमन्त्री नियुक्त गर्न नमिल्ने निर्णय लिएर ओलीको कदमलाई साथ दिएको छ ।

राष्ट्रपतिको निर्णयलगत्तै प्रधानमन्त्री ओलीले मन्त्रिपरिषद्‍को बैठक राखेर प्रतिनिधि सभा विघटन गर्ने र मध्यावधि चुनावको मिति तोक्ने काम गर्नु भएको थियो ।