सन्दकपुर गाउँपालिका अध्यक्षमा कांग्रेसका तुला गुरुङ उपाध्यक्षमा एसका हरि लुङ्गेली बिजयी

इलाम जिल्लाको सन्दकपुर गाउँपालिकामा नेपाली कांग्रेसका उम्मेद्धार तुलाराम गुरुङ विजयी हुनु भएको छ । निकटतम प्रतिष्पर्दी नेकपा एमालेका उम्मेद्धार उदय राईलाई नौ सय ६५ मत अन्तरले पछि पार्दै गुरुङ निर्वाचित हुनु भएको हो । 
गठबन्धनका तर्फबाट नेपाली कांग्रेसका गुरुङले चार हजार दुई सय २३ मत पाउँदै बिजय हुनु भएको छ भने प्रतिष्पार्दी एमालेका उम्मेद्धार राईले तीन हजार दुई सय ५८ मत प्राप्त गर्नुभएको स्थानिय पत्रकार दिनेश सुवेदीले जानकारी दिनुभयो । 
उपाध्यक्ष पदमा गठबन्धन तर्फबाट एकिकृत समाजवादीका हरी लुङ्गेलीले एमालेकी उम्मेद्धार तुलसादेवी सेडाईलाई छ सय ५१ मतअन्तरले पछि पार्दै लुङ्गेली निर्वाचित हुनु भएको हो ।
यस गाउँपालिकामा वडा नम्वर एकमा एमालेको प्यानल नै विजयी भएो छ । वडा नम्वर दुईमा बठबन्धनका उम्मेद्धार विजयी हुनु भएको छ । वडा नम्वर तीनमा पनि गठबन्धनका उम्मेद्धार विजयी हुनु भएको छ ।वडा नम्वर चारमा अध्यक्षमा गठबन्धनका उम्मेद्धार विजयी हुनु भएको छ । पाँच नम्वर वडामा एमालेको प्यानल नै विजयी भएको बताइएको छ । पाँचवटा वडा रहेको यस स्थानिय तह मत गणना गरिसक्ने दोस्रो हो । यस अघि माङ्सेबुङ गाउँपालिकामा मतगणना सम्पन्न भइसकेको छ ।