पाँचथरमा ट्याक्सि दुर्घटना , एक जनाको मृत्यु , १३ जना घाईते

पाँचथर : मेची राजमार्ग स्थित पाँचथरको फिदिम २ कृष्ण मन्दिर नजिकै ट्याक्सि दुर्घटना भएको छ । दुर्घटनामा परी एक जनाको मृत्यु भएको छ भने १३ जना घाईते भएका छन् ।

मृतकको पहिचान हुन बाँकी रहेको प्रहरीले जनाको छ । दुर्घटनामा परी घाईते भएका उनको पाँचथर अस्पतालमा उपचारको क्रममा मृत्यु भएको हो ।

झापादेखि फिदिमतर्फ आईरहेको मे १ ज १९४१ नम्बरको ट्याक्सि मंगलबार दिउँसो १२ बजे दुर्घटनामा परेको हो । घाईतेमध्ये काठमाण्डौ बल्खु बस्ने २० बर्षीया मिना लिम्बु र फिदिम १० याङनामकी ४० बर्षीया सबिना बिकलाई थप उपचारका लागि झापा रेफर गरिएको छ । ११ जना घाईतेहरुको पाँचथर अस्पतालमा उपचार भईरहेको छ ।

ईलाम दानाबारी ८ बिष्णुटारका २६ बर्षिय ट्याक्सि चालक अर्जुन विक, ताप्लेजुङ पाथिभरा याङवरक १का २३ बर्षिय बुद्धहाङ लिम्बु , मिक्वाखोला ५ पापुङ सिम्बु बस्ने २६ बर्षिय ईसेटिमा शेर्पा, पाँचथरको हिलिहाङ १ बस्ने २५ बर्षिय रोशन श्रेष्ठ,

सोही ठाँउका २३ बर्षिय भुपेन्द्र श्रेष्ठ, ताप्लेजुङ सिरिजंघा ३ फावाखोलाका ३० बर्षिय सरोज मादेन, फक्तालुङ ३ बस्ने २४ बर्षिय अजय लिम्बु । ईलाम सिद्धिथुम्का बस्ने १४ बर्षिया निरुता सेन्चुरी घाईते भएका छन् ।
त्यस्तै गरि कालिकोट पतन्जली गाँउपालिका १ बस्ने २२ बर्षिय सुमन खड्का, फाल्गुन्नद ३ बस्ने ३५ बर्षिय राम नेम्बाङ, फिदिम १० याङनामकि ५ बर्षीया पुस्तिका बिक घाईते भएका छन् । उनिहरुको पाँचथर अस्पतालमा उपचार भईरहेको छ ।