logo
  • २०८१ फाल्गुन ६ | Tue, 18 Feb 2025
  • कांग्रेस इलामको कोषाध्यक्ष मनोनयन प्रति अदालतको कारण देखाउ आदेश

    कांग्रेस इलामको कोषाध्यक्ष मनोनयन प्रति अदालतको कारण देखाउ आदेश

    इलाम– उच्च अदालत विराटनगर इलाम इजलाशले नेपाली कांग्रेस इलाम जिल्ला समिति कोषाध्यक्षको मनोनयनप्रति कारण देखाउ आदेश जारी गरेको छ । 

    न्यायाधीश किरणकुमार पोख्रेलको इजलाशले आज (आइतबार) कांग्रेस जिल्ला समिति र सभापति डम्बर खड्कालाई कोषाध्यक्ष मनोनयनप्रति कारण देखाउ आदेश जारी गरेको हो । 

    पुस १६ मा सभापति खड्काले कोषाध्यक्षमा होम बस्नेतलाई मनोनयन गरेका थिए । कोषाध्यक्ष मनोनयन गर्दा सभापतिले जिल्ला समितिमा प्रस्ताव नै नगरी विधानविपरीत मनोनयन गरेको भन्दै उच्च अदालतमा ‘उत्प्रेषण परमादेश, जो चाहिने आदेश’ माग गर्दै निवेदन परेको थियो । 

    इलामकै सूर्याेदय नगरपालिका–१३ का हेमप्रसाद कट्टेल र सूर्याेदय ७ का छत्रबहादुर घलेले कांग्रेस जिल्ला समिति, सभापति खड्का र कोषाध्यक्ष बस्नेतलाई विपक्षी बनाइ निवेदन दर्ता गराएका थिए । 

    आज भएको बहसमा निवेदकका तर्फबाट वरिष्ठ अधिवक्ताद्वय जसबहादुर लुंगेली र हिरण्य अधिकारी तथा अधिवक्ता लोकबहादुर तामाङले बहस गरेका थिए । 

    कांग्रेसको विधानमा जिल्ला सभापतिले जिल्ला कार्यसमितिका निर्वाचित सदस्यमध्येबाट नाम प्रस्ताव गरी निर्वाचित कार्यसमितिबाट कोषाध्यक्ष निर्वाचित गर्ने व्यवस्था रहेको निवेदनमा दाबी गरिएको छ । । 

    अदालतको आदेशअनुसार कांग्रेस जिल्ला समिति र सभापतिले १५ दिनभित्र आफ्नो जबाफ अदालतमा पठाउनुपर्नेछ । 
     



    निगरानी    
  • २०८१ माघ १४, सोमबार ०४:४०
  • प्रतिक्रिया

    सम्बन्धित समाचार
    ताजा अपडेट
    TOP