देउमाई कप : देउमाईलाई हराउँदै माई नगरपालिका क्वाटरफाइनल प्रवेश

देउमाई : देउमाई नगरपालिकालाई हराउँदै माई नगरपालिका प्रथम देउमाई कपको क्वाटरफाइनलमा प्रवेश गरेको छ । प्रतियोगिताको उद्धघाटन खेलमा माईले देउमाईलाई २–१ गोल अन्तरको पराजित गर्दै जीत निकालेको हो । खेलको ३१ औँ मिनेटमा माईको तर्फबाट सुगम सुब्बाले गोल गर्दै टिमलाई अग्रता दिलाएका थिए ।

६७ औ मिनेटमा रबिन मगरले खेल बराबरी गरे । ३ मिनेट नवित्दै मन बहादुर मगरले माईका लागि गोल गरेका थिए । खेलको म्यान अफ दि म्याच माईका गोल गर्ने खेलाडी मनबहादुर मगर घोषित भए । उनलाई नगद दुई हजार सहित ट्रफी प्रदान गरिएको थियो । आइतबारको पहिलो खेल माङ्सेबुङ गाउँपालिका र सन्दकपुर गाउँपालिकाबिच हुने छ ।

दोस्रो खेल माईजोगमाई गाउँपालिका र इलाम नगरपालिका बिच हुनेछ । प्रतियोगिताको फाइनल खेल माघ २७ गते हुने छ । बिजेता टिमले नगद २ लाख र उपविजेताले १ लाख प्राप्त गर्नेछ ।