बाटाे तथा  नाली सरसफाइमा खुशी टोलबासी श्रमदानमा जुटे

इलाम  ७ असार : स्थानीय बासीको श्रमदानमा बाटाे तथा  नाली सरसफाइ गरिएको छ । इलाम नगरपालिका ८ स्थित धोबीधारा खुशी टोल विकास संस्था क्षेत्र भित्र पर्ने करदाता सेवा कार्यालय देखि उमेश न्याैपानेकाे घर सम्मकाे बाटाे तथा  नाली शनिबार सरसफाई गरिएको छ ।

धाेबिधारा एकता समाजकाे आयोजनामा समाजमा आबद्ध तथा स्थानीय बासीको श्रमदानमा  बर्षादको पानी बाट क्षति हुन नदिन साथै बाटो क्षेत्र भित्रका झाडी सफाइ गरिएको समाजका अध्यक्ष मोहन विष्टले बताउनु भएको छ । हरेक बर्ष गर्दै आएको सरसफाइलाई यस वर्ष पनि निरन्तरता दिएको उहाँको भनाइ छ ।  आफ्नो टोलमा पर्ने बाटो नाली सफाइ गर्दा स्थानीयलाई नै सहज हुने भएकोले समाजका सदस्य तथा स्थानीयको सक्रिय सहभागितामा सरसफाइ गरिएको समाजका अध्यक्ष विष्टले बताउनु भयो ।

समाजका सदस्यहरूकाे उल्लेखिय सहभागिता रहेको थियो भने  श्रम गर्न उपस्थित हुन नसकेका सदस्य बाट  खाजा खर्च गरेको समाजका सचिव गणेश सुवेदीले बताउनु भयो ।  समाजका सदस्यहरुको  सुखदुःखमा सहयोग गर्नु बाहेक सामाजिक कार्यमा एकजुट भएर लाग्न सन्देश दिने सुवेदीले बताउनु भएको छ ।

यसैबीच खुशी  टोल विकास संस्था क्षेत्र भित्र पर्ने  देविस्थान देखि छ्याङछ्याङे सम्म बाटाे साथै नाली सरसफाइ गरिएको छ ।  स्थानीय बासी  भेला भइ नाली तथा  बाटो सरसफाइ गरिएको खुशी  टोल विकास संस्था अध्यक्ष मुनु खवासले बताउनु भयो । 

साना साना कार्यमा सरकारको बाटो नहेरी टोलबासीले जुटेर कार्य गर्न सकिने उहाँले बताउनु भयो ।  यसलेले अन्य टोल विकास संस्थालाई  जुटन सन्देश दिने खवासले बताउनु भयो । आगामी दिनमा टोललाई सफा राख्न र बाटो तथा  नाली जस्ता सार्वजनिक स्थानमा सरसफाइ कार्य लाई निरन्तरता दिने खवासले बताउनु भयो ।