प्रतिनिधिसभा दोस्रो पटक पुनःस्थापना ,शेरबहादुर देउवालाई प्रधानमन्त्री बनाउन परमादेश

काठमाडौ असार २८ ।प्रतिनिधिसभा दोस्रो पटक पुनःस्थापना भएको छ । सर्वोच्च अदालतले केपी शर्मा ओलीले दोस्रोपल्ट विघटन गरेको संसद फेरि पुनःस्थापन गरेको छ ।
सर्वोच्च अदालतको संवैधानिक इजलासले प्रतिनिधिसभा पुनर्स्थापना गरेको हो । प्रधानन्यायाधीश चोलेन्द्र शमशेर राणा नेतृत्वको संवैधानिक इजलासले प्रतिनिधिसभा विघटनको निर्णयलाई बदर गरिदिएको हो ।

संवैधानिक इजलासमा प्रधानन्यायाधीश राणासहित न्यायाधीश दीपककुमार कार्की, मिरा खड्का, ईश्वर खतिवडा र आनन्दमोहन भट्टराई छन् । प्रधानमन्त्री ओलीले  दोस्रो पटक आठ जेठमा प्रतिनिधिसभा विघटन गरेका थिए । त्यसअघि उनले गत ५ पुसमा प्रतिनिधिसभा विघटन गरेका थिए ।

यस्तै अदालतले  संवैधानिक इजलासले कांग्रेस सभापति शेरबहादुर देउवालाई  प्रधानमन्त्री बनाउन परमादेश जारी गरेको छ ।