ग्रीन टीले मार्छ क्यान्सरग्रस्त कोशिकाहरू

ग्रीन टीलाई मानिसको स्वास्थ्यका लागि फाइदाजनक मानिन्छ । अरु चियाले स्वास्थ्यमा असर पुर्‍याए पनि ग्रीन टी मानव स्वास्थ्यका लागि औषधि हुने चिकित्सकहरु बताउँछन् ।

हालै भएको एक अध्यनले मुखको क्यान्सरविरुद्ध लड्नमा ग्रीन टी को मुख्य भूमिका हुने देखाएको छ । पेन्सिलभेनिया स्टेट यूनिभर्सिटीका खाद्य वैज्ञानिकहरूले ग्रीन टीमा यस्तो एक तत्व हुने जसले क्यान्सरग्रस्त कोशिकाहरू मार्ने देखिएको बताएका छन् ।

वैज्ञानिकका अनुसार यस शोधले मुखको क्यान्सरको साथसाथै अन्य क्यासरका लागि पनि नयाँ बाटो खुल्नसक्ने सम्भावना बढेको बताएका थिए । ग्रीन टीमा पाइने एपिग्लोकेटचिन–३ ले क्यान्सरग्रस्त कोशिकाहरू मार्ने क्षमता राख्ने वैज्ञानिकको दाबी छ ।

सहायक प्रोफेसर जोशआ ल्याबर्टका अनुसार यो कुरा पत्ता लागेको छ कि ग्रीन टीमा पाउन सकिने एक तत्वले स्वस्थ कोशिकाहरू छाडेर केवल क्यान्सरग्रस्त कोशिकाहरू मार्ने गर्दछ ।