माइभ्याली गोल्डकप : उपाधि उचाल्ने दाउमा आयोजक र मच्छिन्द्र

Share This
  •  
  • 2
  •  
  •  
  •  
  •  
  •  
  •  
  •  
  •  
    2
    Shares
माइभ्याली गोल्डकप : उपाधि उचाल्ने दाउमा आयोजक र मच्छिन्द्र

इलाम

इलाममा जारी माइभ्याली गोल्डकपको छैटौं संस्करणको शनिबार फाइनल खेल हुँदैछ । उपाधिका लागि आयोजक माइभ्याली फुटबल क्लब र मच्छिन्द्र क्लब काठमाण्डौ भिडदै छन । शुक्रबार भएको प्रि म्याच कन्फरेन्समा फाइनलका लागि टोली तयार रहेको दुवै टोलीका प्रशिक्षकले बताए । उपाधि हात पार्ने दुवै टीमको दाबी छ । मच्छिन्द्रले सेमीफाइनलमा मानेभञ्जयाङ एफ सी दार्जिलिङलाई ३ शुुन्यले पराजित गर्दै फाइनल प्रवेश गरेको हो भने माइभ्यालीले आर्मीलार्ई सडन डेथमा हराएर फाइनल सम्मको यात्रा निश्चित गरेको हो ।


विभिन्न क्लबमा आबद्ध खेलाडीहरु समेटेर टिम निर्माण गरेको आयोजक मच्छिन्द्रलाई हराउँदै उपाधि जित्ने दाउमा छ । पहिलो पटक फाइनलमा प्रवेश गरेको आयोजक निकै उत्साहित छ । मिश्रित टिम भएकोले मछिन्द्रलाई हराउन आयोजकलाई सहज नहुन सक्छ । मच्छिन्द्र सँग खेल्न पाउनु भाग्यकोे कुरा भएको भन्दैै दबाब नभएकोले खेल्न सहज हुने र टिममा दक्ष खेलाडी भएकोले जित्न सक्ने प्रशिक्षक दर्शन राजभक्त बताउछन । घरेलु मैदानको फाइदा उठाउदै उपाधि जित्ने उच्च मनोबलका साथ खेल्ने उनको भनाई छ ।


फाइनल खेल दवाव हुने भए पनि आफ्नै रणनिति अनुसार खेल्ने मच्छिन्द्रका प्रशिक्षक प्रबेश कटुवालले बताए । आयोजक पहिलो पटक फाइनलमा पुगेकोले घरेलु टिमलाई हराउन सहज नहुने उनले बताए ।
प्रतियोगितामा नेपालको ६ र विदेशी ४ टिमको सहभागिता रहेको गोल्डकपको विजेताले ८ लाख र उपविजेताले ५ लाख रुपैयाँ प्राप्त गर्नेछन ।