यु– १९ साफ च्याम्पियनसिपको लागि इलाम बाट छानिए २४ खेलाडी (नामावली सहित )

इलाम , १६ साउन :

यु– १९ साफ च्याम्पियनसिप फुटबल प्रतियोगिताको लागि इलाम बाट २४ जना खेलाडी छ नौट भएका छन । साफ यु– १९ च्याम्पियनसिप फुटबल प्रतियोगिताको लागि राष्ट्रिय टीम तयार गर्न पहिलो चरणमा जिल्ला स्तरीय छनौट अन्र्तगत इलाममा खेलाडी छनौट भएका हुन ।

जिल्ला स्तरीय खेलाडी छनौट चरणबाट छनौटमा परेका खेलाडीले अब कोशी प्रदेश स्तरीय छनौट प्रतियोगितामा सहभागी हुने छन । प्रदेश स्तरीय छनौट खेल धरानको एन्फा एकेडेमीमा आगामी साउन २२ र २३ गते हुने जिल्ला फुटबल संघ इलामका उपाध्यक्ष पूर्ण फत्र लिम्बूले जानकारी दिनुभयो । इलामको ठुलो टुडिखेलमा आइबार भएको जिल्ला स्तरीय छनौटमा ५९ जना खेलाडीले सहभागि थिए । संघले छनौट भएका खेलाडीको नाम भने मंगलबार मात्र सार्वजानिक गरेको हो । दक्षिण एसियाली फुटबल महासंघ साफ को आयोजनमा संचालन हुने प्रतियोगितामा सहभागि हुन अखिल नेपाल फुटबल संघ एन्फाको निर्देशनमा देशभर खेलाडी छनौटको कार्य भइरहेको छ । देशभर बाट खेलाडी छनौट गरी यु– १९ राष्ट्रिय टोली घोषणाको लागि एन्फाले तयारी गरेको छ । नेपालमा आयोजना हुने यु– १९ च्याम्पियनसिप फुटबल प्रतियोगिता आगामी असोज ४ गतेबाट १३ गतेसम्म काठमाडौंमा सञ्चालन हुने खेल तालिका छ ।