पथिभरा संरक्षण समितिलाई ‘चुस्त दुरुस्त’ राख्न दलको आग्रह

पथिभरा संरक्षण समितिलाई ‘चुस्त दुरुस्त’ राख्न दलको आग्रह

रोङः इलामको रोङ गाउँपालिकामा राजनीतिक दलहरुले स्थानीय पाथिभरा संरक्षण समितिलाई आवश्यक प्रकृया पुरा गरेर सस्थालाई ‘चुस्तदुरुस्त’ बनाउन आग्रह गरेका छन् ।
संरक्षण समितिका अध्यक्ष दौतल कुमार राईको निमन्त्रणामा बसेको सर्वदलिय बैठकले संस्थाको सम्पुर्ण आयव्यय विवरण, नगद, जिन्सी सम्पती साधारण सभा गरी सम्बन्धी निकायमा बुझाउन अनुरोध गरेको बैठक पछि ६ राजनीतिक दलका प्रतिनिधिले निकालेको विज्ञप्तिमा उल्लेख छ ।
रोङ गाउँपालिकाले पाथीभरा मन्दिरको व्यवस्थापन गाउँपालिकाको मातहतमा लिएपछि संरक्षण समिति विगठनको प्रकृयामा गएको छ । जिल्ला प्रशासन कार्यालय इलामले पत्र लेखेर सम्पुर्ण सम्पतीको हिसावकिताब बुझाउन समितिलाई निर्दैशन दिएको छ ।
समितिले लेखापरिक्षण सम्पन्न गरेर साधारण सभा गर्ने तयारी गरेको बैठकमा सहभागी नेपाली कांग्रेस रोङका सभापति हरिबहादुर बुडाथोकीले जानकारी दिए । स्थामा २५३ जना साधारण सदस्य रहेका छन् । बुडाथोकीका अनुसार एक महिना भित्र साधारण सभा सम्पन्न गर्न समितिले काम गरिरहेको छ । बैठकमा नेपाली काग्रेस रोङका सभापति हरि बहादुर बुडाथोकी, नेकपा एमाले रोङका अध्यक्ष खड्ग आले, नेकपा माओवादीका गणेश कुमार राई, राष्ट्रिय स्वतन्त्र पार्टीका राजेन्द्र आचार्य, जनता समाजवादी पार्टीका केशबराज लुईटेल र नेकपा एसका वृहस्पती खतिवडा सहभागि थिए ।